Морати: Интер мора силно да го посакува успехот или ништо нема да освои!

Поранешниот прв човек на милански Интер, Масимо Морати со интересен коментар кој се однесува за елитните клубови во Серија А.

Морати кој на чело на „сино-црниот“ клуб од Милано помина 18 години, период за кој потроши 1,5 милијарди евра за доведување на засилувања смета дека лутиот градски ривал – Милан е многу силен сезонава. Морати за „Radio Uno“ изјави дека борбата за Скудетото сезонава ќе биде интересна, за разлика од минатите сезони.

„Милан покажа високо ниво на игра, и во неделата против Парма имаа период на добра игра без оглед на тоа што не заврши се така како што посакуваа. И тоа без Ибрахимовиќ кој е незаменлив“ смета Морати.

За него, сепак Јувентус и понатаму е голем фаворит.

„Јуве има застрашувачки тим, навистина имаат добри играчи. Што може Интер да има посилно од Јувентус? Мораат да имаат голема желба и големо срце. Кога е Конте смирен, тогаш е многу јак. Мора да ја има таа желба, во спротивно никогаш ништо нема да освојат“ заклучи Морати.