пред 4 месеци Србија и Хрватска во балканскиот класик ќе се борат за златниот медал на ватерполо турнирот на Олимписките игри во Париз. Во полуфиналето, Србија убедливо ја порази Америка со 10:6, а Хрватска по голема борба, благодарени на голманот Бијач славеше над Унгарија 9:8.
Србија е актуелен олимписки шампион, победи во Рио 2016 и Токио 2020 година. За нив ова е трето последовно финале на ОИ со што влегоа во историјата. Хрватска пак ќе се обиде втор пат во историјата да стане олимписки шампион.
„Може да се случи да не го освоиме златото, но убеден сум дека имаме сили да одиме до крај. И честитам и на српската репрезентација, третото последователно финале на Игрите, секоја чест за нив“, рече селекторот на Хрватска, Ивица Туцак.
На крајот заклучи дека овие две селекции премногу добро се познаваат.
„На моменти го гледав полуфиналето меѓу Србија и САД, не можев да заспијам, од време на време одев во дневната соба каде што гледаа Јуре Мареља и Перо Кутеровац. Но, меѓу нас нема тајни, тие знаат се за нас и ние знаеме сè за нив“, рече Туцак.
Финалето е закажано за в недела од 14 часот.
Би можело да ве интересира
(Видео) Јокиќ трагичар, Денвер загуби во Сан Антонио – Нагетс паднаа на третото место на Западот
Костиќ штрајкува, бара трансфер во Лацио
Ибрахимовиќ: Не сум истиот играч од пред 5 години, но јас сум Златан
УФЦ шампионка со фотки од плажа ги „нападна“ фановите: Бакнете ме во задник!
Саутемптон со камбек победа до петтото место во Англија
Време е Македонија да игра на ЕП
