„АС“: Куман од Барса брка уште 6 играчи

Тренерот на Барселона, Роналд Куман ја продолжува чистката во соблекувалната на каталонскиот клуб, пишува шпански „АС“. Сега дојде редот на шестмина нови, меѓу кои се – Мартин Бреитвајт, Самуел Умтити, Рико Пуиг, Џуниор Фирпо, Карлен Алења и Матеус Фернандес.

Со парите од продажбата на некои од играчите Барса планира да го откупи договорот на Мемфис Депај од Лион кој беше близу до преселба на „Ноу Камп“ и во минатиот преоден рок. Офанзивецот веќе соработуваше со Куман во репрезентацијата на Холандија.

Куман веднаш по доаѓањето во Барселона почна со промени, па клубот до сега го напуштија Иван Ракитиќ, Луис Суарез и Артуро Видал.