(Видео) Реистад ја расплака Данска – Норвешка ќе го брани светското злато против Франција

Женските ракометни репрезентации на Норвешка и Франција ќе се борат за златниот медал на Мундијалот чии домаќини се Шведска, Данска и Норвешка. Норвешка во драмтичен меч, по две продолженија со гол во последната секунда ја победи Данска со 29:28, во регуларниот дел мечот заврши 23:23, а по првото продолжение беше 25:25. Во второто полуфинале Франција лесно се справи со Шведска 37:28.

Фантастично полуфинале одиграа актуелните европски и светски шампионски Норвежанки и Данките.

Данска блескаше во првиот дел, отвори со 5:1, потоа беше 10:5 и 14:8. На полувреме Данска имаше предност од 14:10. Во вториот дел Норвежанките беа подобри, ја стигнаа предноста на Данска има и водство 23:22, но Јоргенсен со гол од седум метри, на четири секунди до крајот избори продлженија за Данска.

Во дополнителното време, Реистад погоди во последната секунда за конечен триумф на Норвешка.

Норвешка ја предводеше брилијантната Реистад со 15 голови, Офтедал постигна пет, Мерк три гола. Кај Данска Јоргенсен постигна седум гола, Хансен пет, Бургард и Хајндал по четири. Блескаше на голот Рајнхард со 15 одбрани.

Henny Reistad wins it in the last shot of Extra Time!

Henny is SUPERHUMAN!

Norway are in the final. Heartbreak for Denmark again. pic.twitter.com/NBZuoNVj78

— (Un)informed Handball Hour (@HandballHour) December 15, 2023

Во второто полуфинале олимписките шампионски, репрезентативките на Франција ја прегазија Шведска 37:28. Од почетокот до крајот на теренот дминираа Французинките. Победникот го решија во првиот дел кга акумулираа предност од осум гола (19:11). Хорачек ја предводеше Франција со девет гола, Глосе имаше 12 одбрани.

Финалето на програмата е во недела од 19 часот, претходно ќе се одигра мечот за бронзениот медал од 16 часот.