пред 3 години Турскиот милијардер, Али Коч кој е сопственик на фудбалскиот клуб Фенербахче од Турција планира да го преземе македонскиот фудбалски бренд, ФК Вардар и да го направи филијала на турскиот клуб, пишува денеска угледниот турски весник „Фанатик“.
Медиумот пишува дека Коч веќе контактирал со челните луѓе во Вардар и понудил неколку модели на соработка.
За почеток Вардар би станал филијала на Фенербахче и во скопскиот клуб би настапувале млади фудбалери и оние кои во клубот од Истанбул би имале мала минутажа.
„Ни фали филијала, многу играчи не добиваат простор и минутажа да се развиваат. Ако имаме покрај себе таков клуб, многу би било подобро“. изјавил Коч.
Турците пишуваат дека Коч може да го купи клубот затоа што тој е во финансиски проблеми поради кои идната сезона ќе се натпреварува во втората македонска лига.
Вардар 11 пати беше шампион на Македонија, а пред 4 години играше во групната фаза на Лига Европа откако претходно го елиминираше токму Фенербахче во квалификациите.
Би можело да ве интересира
Пандев продолжува со Џенова до крајот на јуни 2022 година
Прво коло во „групата на смртта“
Кавани покажа колку ќе им недостасува на Јунајтед ако замине
Куман: Атмосферата во соблекувалната на Барса секогаш била позитивна
Македонските кошаркарки со пораз тргнаа во квалификациите во Рига
УЕФА го суспендира српскиот селектор
