пред 3 години Роналд Куман инсистира дека и покрај сите проблеми во Барселона, атмосферата во соблекувалната на каталонскиот гигант секогаш била позитивна.
Барса заостануваат шест поени зад Атлетико Мадрид во Ла лига откако веќе имаат 4 порази во 12 меча под Куман, кој го замени Кике Сетиен по катастрофалниот 8:2 пораз од Баерн Минхен. Барса покрај тоа што ги загуби дерби мечевите со Атлетико и Реал Мадрид, доживеа и шокантни порази од Кадиз и Хетафе. Но, по 2:1 победата над Реал Сосиедад во средината на неделата, Куман вели дека расположението е добро.
„Секогаш сум видел само добра атмосфера и покрај поразите. Полесно е да си радосен кога победуваш, но не е клучно. Се надевам дека ќе продолжиме со динамиката која ја покажавме со Сосиедад, и сакаме да доминираме и да играме подобро од било кој тим кој е против нас. Понекогаш е полесно, понекогаш е потешко. Имаме обединета група на фудбалери“, вели Куман пред мечот со Валенсија, каде што беше кратко тренер од октомври 2007 до април 2008.
Би можело да ве интересира
Гвардиола ги предупредува играчите: Арсенал нема да се откаже
Пандев: Горд сум што повторно ќе го носам овој дрес
Конте ќе земе годишен одмор
Блат се бори со склерозата: Подобро се чувствувам, отколку што изгледам!
„Не ни дозволија да играме, не третираа како животни“
Зошто ВАР не го санкционираше Пепе?
