Гут-Бехрами со протест против ФИС по откажувањето на брзинските трки?

Швајцарската скијачка „кралица“, Лара Гут-Бехрами одби да дава интервјуа откако на последната трка од сезоната, велеслаломот во Ленцерхајде, намерно се откажа по две врати, според многумина во знак на протест по откажувањето на брзинските трки од финалето на Светскиот куп.

Гут-Бехрами така не доби шанса да ја освои втората титула во генерален пласман од Светскиот купо по таа во 2016, откако брзинските трки беа откажани, а Словачката Петра Влхова го освои големиот кристал.

Ова не е нов проблем во Светскиот куп во алпско скијање, откако многумина ги критикуваа ФИС за големиот број на технички трки во споредба со брзинските, со што специјалистите за брзите трки (спуст и супер-џи) се во подредена ситуација. Оваа сезона се возеа 7 спуста, 6 супер-џи трки, но и 8 велеслаломи, 9 слаломи и 1 паралелен слалом.