Квадрадо со глупост во својот 200. меч, Фиорентина го „смачка“ Јувентус!

Јувентус го загуби својот прв меч во Серија А оваа сезона, откако дома нестабилната Фиорентина успеа да ги совлада со 0:3 на „Алијанц стадионот“ благодарение на глупоста на Хуан Квадрадо во својот 200. меч за „бјанконерите“, откако доби црвен картон по само 18 минути игра во кошмарен меч за тренерот Андреа Пирло.

Душан Влаховиќ ја наттрча цела одбрана на Јувентус уште во третата минута за шокантен старт на Виола, клуб кој пред овој меч имаше само две лигашки победи. Тогаш во 18. минута се случи клучниот момент на мечот, кога Хуан Квадрадо отиде директно на ногата на Кастровили, по што судијата прво му даде жолт картон, а по ВАР проверката ја смени бојата на картонот во црвена.

Ова ја урна тактиката на Јувентус, но резултатот остана ист до 76. минута, кога Алекс Сандро си постигна автогол, за само пет минути Мартин Касерес да зголеми на 0:3.

Со поразот, Јуве остана на четвртото место на табелата со 24 поени, идентично како и третопласираниот Наполи и дури седум зад лидерот Милан. Фиорентина, пак, малку се одвои од зоната за испаѓање – сега се на 15. место со 14 поени.