пред 4 години Најдобриот португалски фудбалер и еден од најдобрите во светот, Кристијано Роналдо е заразен со коронавирусот. Португалецот бил позитивен при првиот тест, а сега е во очекување на второто тестирање.
Веста ја потврдија и од Фудбалскиот сојуз на Португалија (ФСП).
„Роналдо е добро, нема симптоми и се наоѓа во самоизолација“ се наведува во официјалниот сајт на португалската фудбалска селекција.
Поради тоа, Португалците ја одложија закажаната прес-конференција, а презакажан е и тренингот на селекцијата. Во текот на репрезентативната пауза, Португалија играше против Шпанија и Франција, а двата меча завршија без голови.
Утре треба Португалија во Лисабон да ја пречека селекцијата на Шведска, но јасно е дека домашната селекција на овој меч ќе настапи без CR7.
На својот Инстаграм профил Кристијано објави фотографија од вечерата на која беа сите негови соиграчи од националниот тим, па поради тоа постои опасност да се појават и други позитувни случаи во селекцијата.
„По позитивниот случај во селекцијата, останатите играчи беа на ново тестирање денеска наутро. Сите имаа негативни резултати и ќе му бидат на располагање на тренерот Фернандо Сантош“ велат од ФСП.
Би можело да ве интересира
Јунајтед му ги удрија клоците, Солскјер си го наплати отказот
Не Мбапе-Нејмар-Меси, ѕвезда на полувреме е Ванакен, Милан со луд пресврт на „Енфилд“
Најголемиот договор во историјата на српската кошарка – Пантер потпиша за Партизан
Маркез: Не можам да замислам да сум во ситуацијата на Валентино Роси
Левандовски започнал да тренира
Почетино му порача на Мбапе дека „мора да биде подобар“
