Младите Германци третпат станаа европски шампиони

Германија стигна до 1:0 победа над Португалија во Љубљана за да ја освои европската титула до 21 година и да најави дека има блескава иднина за „маншафт“. Двете репрезентации играа отворен фудбал со многу шанси, но на крајот немаше повеќе голови.

Новата германска ѕвезда Флоријан Вирц во 16. минута ја погоди пречката, а пет минути подоцна Лукас Нмеча имаше одлична шанса. Германците дојдао во водство во 49. минута по одличната акција, по која Нмеча го постигна голот. Португалците „притиснаа“ во второто полувреме, но одбраната на Германија го „затвори“ голот.