пред 4 години Жозе Мурињо, еден од најуспешните тренери во историјата на Интер, вели дека не би размислувал многу кога би добил понуда да биде тренер на италијански ривал на „нераѕурите“.
„Специјалниот“ е последен странски тренер кој победил во Серија А, откако во 2009/10 ја донесе славната тројна титула на Интер, кои сега се на чекор да ја освојат италијанската титула првпат од неговото заминување. Иако секогаш велел дека Интер има посебно место во неговото срце, откако остана без работа по отказот од Тотенхем, Португалецот би сакал да работи во Серија А.
„Секогаш би одел во насока на моите пријатели. Но, каде има повеќе луѓе од моето време? Истиот претседател? Истиот газда? Моите играчи? На сите нив сум им благодарен и им платив со победи. Кога ќе заминам од некој клуб ги кажувам само убавите работи за клубот. Не сум човек кој вади валкани алишта, никогаш! Освоив се со Интер и има посебна љубов. Но, ако еден ден треба да се вратам во Италија и да бидам тренер на ривалски клуб, нема да размислувам многу. Тоа е професионален начин на гледање на работите“, вели Мурињо.
Би можело да ве интересира
Сити ја добива битката за Халанд, огромна плата за него, спектакуларна провизија за агентот
Хамилтон: Ботас е најдобриот колега кој сум го имал
Алегри: Ова треба да е лекција за Јувентус, но и за мене
„Ѓаволите“ се уште ја бркаат титулата – Гринвуд ги доближи до Сити
Удинезе го освои Рим, „небесносините“ лоши во Серија А
Фиорентина го отпушти Јакини, Прандели пак на „Артемио Франки“
