пред 3 години Норвежанецот Мартин Одегард преку социјалните мрежи се прости со навивачите на Арсенал, откако неговиот договор за позајмица со „топчиите“ заврши и тој се враќа во Реал Мадрид со надеж за повеќе минутажа под новиот тренер Карло Анчелоти.
22-годишниот Одегард се приклучи на Арсенал во јануари со шестмесечен договор, одигрувајќи 20 меча под Микел Артета и постигнувајќи два гола. Поранешното „чудо од дете“ од Норвешка, не доби вистинска шанса да блесне во дресот на Реал Мадрид и се надева дека сезоната 2021/22 ќе биде негова.
„Арсенал, благодарам за овие шест месеци. Времето поминато со семејството Арсенал секогаш ќе има посебно место во моето срце. Сакам да заблагодарам на сите во клубот за тоа што ме направија да се чувствувам како дел од семејството од првиот ден. Дури и без навивачите на трибините, ја чувствував нивната поддршка. Благодарам, ‘топчии’, секогаш ќе сте во моето срце“, напиша Одегард.
Би можело да ве интересира
Де Паул со првиот гол во Ла лига донесе три поени за Aтлетико
Рома нуди попуст за тие кои ќе се вакцинираат на „Олимпико“
Агуеро ги уверува навивачите на Барса: Не се секирајте, тука сум цела година
Домино ефект – Роналдо во ПСЖ, Икарди во Јуве, Мбапе во Реал
Халанд шоу во Севилја – асистенција и гол за шестминутен пресврт
Тоа е доверба – по шест порази во низа Каљари му дадоа нов договор на Ди Франческо
