пред 3 години Англија, еден од фаворитите за висок пласман на ЕУРО 2020, одигра бледо реми без голови, против Шкотска, во второто коло во Д-групата. Селекторот Герет Саутгејт, ја презеде вината за лошата игра и резултатот. Смета дека кога веќе одиграле лош натпревар, добро е што освоиле барем еден бод.
„Фрустрирачка вечер. Секоја чест за Шкотска. Но, во ситуација кога не победивме, добро е останавме непоразени“, рекол Саутгејт.
Голем проблем за Англија е лошата форма на првиот напаѓач, Хари Кејн. Саутгејт го повлече од теренот во 74.минута. Кејн во првото полувреме имаше само десет допири со топката.
„Ни требаше некој кој ќе влегува зад нивните линии. Мислев дека Маркус Рашфорд може да ни ја даде таа енергија. Ни беше потребна победа, одговорноста е моја. Не одигравме добро за да победиме“, заклучил Саутгејт.
Англија, по првите две рунди во групата има четири бода, во последното коло, во вторник ќе игра против Чешка.
Би можело да ве интересира
ЛЕ: Шкупи се враќа од Ирска со негатива од два гола
Бесниот Роналдо скрши мобилен на навивач на „Гудисон парк“, се извини на Инстаграм
Зидан: Можеби Реал ќе биде подобар без мене
Пирло: Полошо од ова не може
Пенал хет-трикот на Солер не е рекорден во Ла Лига
Барези именуван за почесен потпретседател на Милан
