пред 3 години Манчестер Сити и Лајпциг синоќа во првото коло од ЛШ приредија голгетерско шоу на „Итихад, нивниот меч заврши со резултат 6-3. Еден од стрелците во таборот на „граѓаните“ беше и Нејтан Аке кој денеска на својот Инстаграм профил сподели тажна вест.
Неговиот татко починал само неколку минути по постигнувањето на неговиот првенец во светло-синиот дрес во ЛШ, на мечот со бундеслигашот. Аке тажната вест ја дознал по завршувањето на мечот.
„Последните неколку недели беа најтешките во мојот живот. Мојот татко беше тешко болен и немаше лек за неговата состојба. Благодарен сум што имав толкава поддршка од девојка ми, семејството и пријателите. Вчера, по тешкиот период, го постигнав својот прв погодок во ЛШ, а само неколку минути потоа мојот татко починал. Мајка ми и брат ми биле покрај него. Можеби така било судено. Додека ме гледаше како играм секогаш беше среќен и горд. Знам дека засекогаш си покрај мене, секогаш ќе бидеш во моето срце и овој гол беше за тебе, тато“ напиша Нејтан Аке на Инстаграм.
Би можело да ве интересира
Франција ја декласира Шпанија во Токио
Проблем за Клиперси, Ленард го повредил коленото
Лингард или Лингардињо? Прекрасен седми гол за Вест хем!
Лацио со пресврт до победа над Сасуоло
Рутински удар со глава и повреда на вратот, правец – болница (видео)
Ринс триумфално во Арагон, Маркез стигна до втората позиција
