пред 4 години Џејсон Тејтум и Никола Јокиќ ја обележаа изминатата ноќ во НБА лигата, во која се одиграа девет натпревари.
Тејтум, во победата на Бостон Селтикс над Минесота Тимбервулвс 145:136, постигна 53 поени, на кои придодаде 10 скока. Тејтум стана првиот играч на Селтикс, кој по 32 години успеал на еден натпревар да забележи 50 поени и 10 скока. Последен кој имаше вакви бројки е легендарниот Лери Бирд.
Јокиќ, со трипл-дабл ги предводеше Денвер Нагетс до победа 121:119 над Сан Антонио Спарс. Јокиќ забележа 26 поени, 13 скока и 14 асистенции. Српскиот центар го забележа 13. трипл-дабл во сезоната, а Денвер ја запиша осмата победа во низа.
Во оваа статистичка категорија пред Јокиќ се наоѓа само Расел Вестбрук од Вашингтон Визардс. Против Голден стејт, тој го забележа 19.трипл-дабл во сезоната (21 поен, 12 скока, 14 асистенции). Визардс ги победија Вориорс со 110:107. Кај Вориорс со 32 поени се исткна Стеф Кари.
Њу Орлеанс Пекиланс славеа победа на Филалделфија 101:94. Блескаше Зајон Вилијамсон со 37 поени, 15 скокови и осум асистенции.
Резултати:
Орландо-Индијана 106:111
Њујорк-Мемфис 133:129
Атланта-Чикаго 120:108
Милвоки-Шарлот 119:127
ЛА Клиперс-Хјустон 126:109
Би можело да ве интересира
Се пензионирше Микел Џон Оби, фудбалерот за кој водеа „војна“ Челси и Манчестер јунајтед
Џошуа го напушти „Скај спорт“
Што се случува во Менхенгладбах? Баерн губи со 3:0 по 20 минути!
Фетел: Уште не се чувствувам „дома“ во Астон Мартин
Германија ја елиминира Србија од АТП купот
Англиски рагбист не се сеќава дека станал шампион, ја тужи федерацијата
