Федерер го продаде рекетот од Вимблдон 2019. и патиките од Ролан Гарос во 2009.

Откако го откажа учеството на ОИ во Токио, швајцарскиот тенисер Роџер Федерер има време да се занимава со други активности.

Одржа аукција на која се продаваше негова спортска опрема, а приходите отидоа во организација која го носи името на тенисерот, а која финансира проекти за деца во Швајцарија и во Јужна Африка.

Федерер собра околу 4 милиони евра, а најскапиот продаден предмет е рекетот со кој играл на Вимблдон 2019 година – еден од рекетите со кои го играше епското финале против Ѓоковиќ. Тој е продаден за 180.000 евра.

Меѓу останатите предмети кои донесоа голема сума пари се и патиките кои Федерер ги носел во 2009-тата кога го освои Ролан Гарос.

„Постигнатите цени се неверојатни, што многу ме радува затоа што парите одат во хуманитарна организација“ рече Швајцарецот по завршувањето на аукцијата.