пред 3 години Макс Ферстапен ја опрвада фаворитската улога и ја освои пол-позицијата во пресрет на трката за Големата награда на Австрија.
На патеката на Ред Бул, најголем конкурент на Ферстапен му беше Ландо Норис од Мекларен.
На крајот од квалификациската сесија Ферстапен забележа време 1.03.720 минути, а Норис беше зад него за 48 илјадити делови од секундата.
Трката од вториот ред ќе ја започне Серхио Перез, кој беше трет, а до него ќе биде седумкратниот светски првак, Луис Хамилтон.
Лошата форма на Мерцедес само ја потврди Валтер Ботас кој заврши на петтото место. Следува двоецот од Алфа таури, Пјер Гасли и Јуки Цунода, осми е Себастијан Фетел, а деветти апсолутната сензација Џорџ Расел. Возачот на Вилијамс прв пат во кариерата избори пласман меѓу најдобрите десет во квалификациите. Десети трката ќе ја стартува колегата на Фетел, Ленс Строл.
Лоши квалификации имаа пилотите на Ферари, Шарл Леклер и Карлос Саинц, кој завршија на 11, односно 12. место.
Би можело да ве интересира
Ембид најави заминување од Филаделфија: Сакам само титула
Терено бил лош, поради тоа Челси загубиле од Арсенал
Ковач: Фудбалот е навистина суров, тешко ми е ова да го прифатам!
Терминот „македонска репрезентација“ ги налути Грците
Нови заразени во Вардар, одложен е натпреварот со ПСЖ
Кенин ќе игра финале на Ролан Гарос, Квитова во аут
