Филипинецот Донер со фантастичен нокаут стана најстариот шампион на светот

Филипинската боксерска легенда Нонито Донер стана најстариот шампион на светот, откако на 38 години го совлада ВБЦ шампионот во бантам категорија, Нордин Убали со брутален нокаут во четвртата рунда.

Донер, со прекар „Филипинскиот Флеш“, почна фантастично соборувајќи го 34-годишниот Французин двапати во третата рунда, пред во четвртата да ја заврши работата и судијата Џек Рајс да го прекине мечот.

„Не се работи за годините, туку за тоа колку умееш. Ако си силен ментално, тогаш ќе бидеш силен и физички. Подготвен сум за одбрана на појасот“, изјави Донер, кој сега има шампионска титула во четири тежински категории.

History made ✅ @filipinoflash is champion again! #OubaaliDonaire pic.twitter.com/Kjwgq9WqGp

— SHOWTIME Boxing (@ShowtimeBoxing) May 30, 2021