Циципас: Тука сме да ставиме точка на сонот на Новак Ѓоковиќ

Четвртиот светски тенисер, Стефанос Циципас смета дека може добро да се носи со противниците на трева, иако вели дека му недостасуваат мечеви.

„Моментно дојдов овде и поминав неколку денови на село, близу Лондон. Неколку дена се опуштав, го опоравував телото и одев на физиотерапија за да се подготвам за на трева. Почнав да тренирам пред 8 дена и го вратив стилот на тенис кој го бара тревата“ вели Циципас.

Новинарите го прашаа за историските достигнувања кои ги брка Новак Ѓоковиќ, мислејќи за златниот слем.

„Тој е комплетен играч и има потенцијал тоа да го оствари. Ние како млада генерација иако себе си веќе не се сместувам во таа млада генерација, но ние сме гладни и сакаме да оствариме нешто слично еден ден. Тука сме да го запреме и на некој начин да ставиме точка на неговиот сон. Ќе биде тешко, но голем е предизвикот да играм со него, еден од најголемите што тенисот некогаш ги видел. Со причина е тука каде што е. Морам да кажам дека тревата е подлога на која има многу самодоверба и игра добро. Се уште е долг патот до нашиот потенцијален судир (во полуфинале), нема да му биде лесно ни на едниот, ни на другиот“ вели Циципас.