Јенс Леман доби отказ во Херта поради расистичка смс – порака

Легендарниот германски фудбалски голман Јенс Леман веќе не ја извршува улогата советник во бундеслигашот Херта. Управата на клубот од Берлин решила да му врачи отказ на поранешниот голман на Арсенал и на селекцијата на Германија поради расистичка смс-порака упатена до поранешниот фудбалер, Денис Ајого, кој сега е стручен консултат за „Скај Германија“.

Пораката на екс-голманот е протолкувана како расистичка, а општа конфузија настанала откако Ајого ја објавил преписката со Леман.

„Дали е Денис твој црнец? му нашишал Леман на Ајого, а пораката дефинитивно не била наменета за адресата на која што стигнала.

Ајого возвратил:

„Дали си сериозен? Оваа порака дефинитивно не си сакал да ми ја испратиш мене“.

Потоа Леман јавно му се извинил на екс-фудбалерот и навел дека се случило големо недоразбирање.

„Веќе го викнав Денис и го замолив за прошка, доколку сето тоа го навредило. Не требаше воопшто така да звучи, требаше да биде шега. Точно е дека беше наменето за друг, но се во позитивна смисла. Ја преземам одговорноста за мојата постапка“ изјавил Леман, но не потенцирал на кого сакал да му ја испрати пораката.