пред 3 години Повеќе од 70 отсто Јапонци сакаат Олимписките и Параолимписките игри во Токио да бида одложени или откажани, покажува истражувањето на агенцијата Кјодо Њуз.
Истражувањето покажало дека 39,2 отсто од анкетираните сакаат Игрите да бидат откажани, а 32,8 отсто сметале дека ОИ повторно треба да се одложат. Само 24,5 отсто од испитаниците сакале најголемиот спортски соби да се одржи според планот.
Дури 92,6 отсто, од учесниците во анкетата, стравувале дека одржувањето на Олимписките и Параолимписките игри може да предизвика нов бран на пандемија со коронавирусот.
До свеченото отворање на Олимписките игри останаа уште 100 дена. ОИ во Токио, кои лани беа одложени, ќе се одржат од 23.јули до 8.август.
