Рубљов направи двојна сервис-грешка на меч поен – на крајот загуби од Циципас

Стефанос Циципас и Андреј Рубљов одиграа фантастичен меч во вечерниот термин на АТП финалето во Лондон, за на крај Гркот да победи по драматични три сета со 6:1/4:6/7:6(6) и да обезбеди „пресметка“ со Рафаел Надал за пласман во полуфиналето на турнирот.

Русинот Рубљов имаше шанса за победа кога имаше меч-поен, но направи двојна сервис-грешка за да му дозволи на актуелниот шампион да се врати и да стигне до победа. Со овој резултат, Доминик Тим веќе е во полуфиналето по неговата победа над Надал во првиот меч, додека Циципас оди директно на шампионот од Ролан Гарос во четврток за второто место од групата „Лондон 2020“.