пред 3 години Американската агенција за храна и лекови (ФДА) го одобри лекот на „Астра Зенека“ против Ковид 19 – „Евушелд“.
Станува збор за коктел од антитела што ја спречува заразата на лицата со ослабен имунитет и оние кои имале силни несакани ефекти од вакцинацијата.
Лекот е одобрен само за возрасни и адолесценти кои досега не биле заразени, ниту пак биле во контакт со заразените.
Вакцината на Астра Зенека сè уште не е одобрена во САД.
Како што пренесува „Гласот на Америка“, истражувањата покажале дека лекот „Евушелд“ ја спречува инфекцијата со Ковид и манифестирањето на симптомите во 77 отсто од случаите.
Предвидено е лекот да се дава во две инјекции, а заштитата трае од седум месеци до една година.
Иако вакцините се најефикасна заштита од Ковид-19, на луѓето со ослабен имунитет и на оние кои лошо реагирале на вакцините им треба алтернатива, рече една од директорките на ФДА, Патриша Кавазони.
Сепак, ФДА додаде дека лекот на „Астра Зенека“ не е замена за вакцинирањето.
Би можело да ве интересира
Украина: Руската инвазија е многу бавна, па тие прибегнуваат кон психолошка војна и ги кршат правилата на војната
Маж со наполнет пиштол успеал да се качи во авион на летот од Барбадос до Мајами
Москва воведува строги мерки: Баровите и рестораните достапни само за вакцинирани посетители
Кинеската вакцина е 50,7 проценти ефикасна против бразилскиот сој на Ковид-19
Нов Зеланд ќе користи само вакцини од „Фајзер“ за имунизација на населението
ЕУ на 23 декември ќе донесе конечна одлука за вакцината на „Фајзер“
