Запален автомобилот на пратеник на Демократскиот фронт во Бар пред семејната куќа

На пратеникот на Демократскиот фронт Дејан Ѓуровиќ во текот на ноќта му бил запален автомобилот „ауди“.

Возилото било паркирано пред куќата на Ѓуровиќ во Бар, пренесуваат медиумите во регионот.

„Очекуваме вештачењето да ја утврди причината за пожарот, експлозијата и несреќата за да се утврди точната причината за пожарот“, изјави шефот на Основното државно обвинителство во Бар, обвинителот Радован Ѓуришиќ. Вештакот ќе утврди дали возилото се самозапалило или било намерно запалено.

Според тамошните медиуми, пожарот избувнал пред предното тркало и браникот. Возилото било изгаснато со брза интервенција на пожарникарите.

Нанесена е мала материјална штета на возилото.