Кличко: Ќе се бориме за секој плоштад, за секоја улица во Киев

Градоначалникот на Киев, Виталиј Кличко, изјави за Си-Ен-Ен дека иако патувал низ светот претставувајќи ја својата земја како боксер од Куќата на славните, сега е многу горд што е Украинец.

„Стоиме пред една од најсилните армии во светот. Волјата да бидеме независни е врвен приоритет за нас. А ние ги браниме нашите семејства, нашиот град, нашата земја и нашата иднина“, изјави поранешниот светски шампион во тешка категорија во бокс.

Кличко ги повика и земјите да ја поддржат Украина, бидејќи без таа поддршка ќе биде тешко да се преживее.

Градоначалникот на Киев изјави дека во главниот град на Украина функционира инфраструктурата, струјата, греењето и водата.

Тој додаде дека надлежните се во директна комуникација со Црвениот крст и други хуманитарни организации кои испраќаат храна и друга помош.

Она што навистина му треба на Киев, рече Кличко, се построги санкции против Русија.

„Мораме да останеме обединети. Војната не е само за Украина. Таа е предизвик за целиот модерен свет, за целиот демократски свет“, рече Кличко.

Тој го обвини рускиот претседател Владимир Путин дека се обидува повторно да го создаде Советскиот Сојуз и да ја направи Украина дел од Руската империја.

Кличко рече дека Украинците ќе се борат за секој плоштад и секоја улица во Киев, доколку руските трупи напредуваат кон градот.

„Очекуваме огромна борба. Но, ние се бориме за нашите семејства“, рече Кличко.

Поранешниот боксер додаде дека во моментов е на дело голем патриотски момент.

„Стари луѓе, можете ли да замислите, лекари, актери, театарски актери, многу професии кои никогаш не очекувале да се борат, да држат оружје, но сега ни приоѓаат. Тие се подготвени да се борат. Неверојатно е. Неверојатно е“, рече тој. Кличко.