пред 4 години Властите на австралиската држава Квинсленд објавија дека зголемениот број на новозаразени со британскиот сој на Ковид-19 во Бризбејн потекнува од „две различни жаришта“ и се шири од невакцинирани здравствени работници.
„Од вчера, пријавени се 15 нови случаи на локално пренесување на коронавирусот, вели главниот здравствен директор Жанет Јанг, додавајќи дека ситуацијата е загрижувачка.
Два нови случаи на зараза со британскиот вид се чини дека се поврзани со друго жариште и со еден лекар во болницата „Принцеза Александра“, кој е заразен од 9 март, пишува „Гардијан“.
Австралиската лекарска асоцијација и Федерацијата на австралиски медицински офицери ги објавија резултатите од истражувањето кое покажува дека 43% од здравствените работници во Квинсленд сè уште не ја примиле својата прва доза на вакцината.
Крис Пери, претседател на АМА за Квинсленд, рече дека е јасно дека за вакцинацијата треба време, но ги повика властите да ги забрзаат вакцинациите на лекарите и здравствените работници во болниците.
„Најмалку, секој здравствен работник што работи со пациенти заразени со Ковид-19, треба да се вакцинира и да има соодветна заштитна опрема“, рече Пери.
Би можело да ве интересира
(Видео) Поранешен израелски премиер: Ние ги изградивме бункерите под болницата „Ал Шифа“
Русите објавија снимки од заробените Американци
Кина повикува на почитување на „принципот на неделива безбедност“ во Украина
Во Романија пристигна првиот американски воен конвој
Ким Џонг Ун ги одби кинеските вакцини, но нареди построги мерки во земјата
Франција повторно се отвора за странски државјани, услов е вакцинација или ПЦР тест против Ковид-19
