Нов силен земјотрес на Филипините, повторно издадено предупредување за цунами

Земјотрес со јачина од 6,6 степени според Рихтеровата скала денеска ги погоди Филипините, а веднаш беше издадено предупредување за цунами.

Исклучително моќниот земјотрес се случи по околу 12 часа по земјотресот со јачина од 7,6 степени според Рихтеровата скала што ги погоди Филипините, што исто така предизвика предупредување за цунами.

Од вчера земјата е погодена од серија силни земјотреси, од кои голем дел беа над пет степени според Рихтеровата скала.

„Ова не престанува, од вчера се тресеме. Ниту еден час да не се тресе“, сведочат граѓаните по последниот земјотрес.

Други посочуваат дека земјотресот бил силен, но не толку долг и силен како вчерашниот земјотрес кој бил речиси со иста јачина.

Овој земјотрес е регистриран на длабочина од 18 километри, на околу 64 километри североисточно од Бислиг.

Текстот Нов силен земјотрес на Филипините, повторно издадено предупредување за цунами е превземен од МАКФАКС.