пред 3 години Судот во Берлин денеска осуди руски државјанин за убиство на Чеченец во Берлин пред две години, наведувајќи во пресудата дека тоа злосторство го извршил по налог на руската влада.
Регионалниот суд во Берлин објави дека руските безбедносни служби му дале на 56-годишниот Вадим Красиков лажен идентитет, лажен пасош и средства за извршување на нападот во август 2019 година, пренесува агенцијата АП.
Судот го прогласи Красиков за виновен за убиство и го осуди на доживотен затвор.
Во образложението на пресудата, судиите наведоа дека Красиков сноси особено тешка одговорност за убиството, што значи дека по 15 години нема да има право на автоматски условен отпуст, што е вообичаено во Германија.
Официјален Кремљ ги нарече апсолутно неосновани тврдењата за вмешаност на Русија во убиството во Берлин.
Убиството на Зелимхан „Торника“ Хангошвили (40), грузиски државјанин од чеченска националност во август 2019 година, предизвика гнев во Германија и дипломатски тензии помеѓу Русија и Германија. Тоа ја поттикна германската влада да протера двајца руски дипломати и реципрочен одговор од Москва.
Би можело да ве интересира
Авион во Лондон полетал со скршени прозорци, претходниот ден во него се снимал филм
Лукашенко: Путин ги запре сите коронавируси во светот
Русија тестира лек против корона
По шест месеци, Грција ги отвори угостителските објекти
Руска национална гарда: Кримскиот мост е заштитен од воздух, од земја и од вода
Тешка ситуација во Србија: Рекордни дневни бројки на заразени и починати
