Двајца соработници на папата заразени со коронавирус

Двајца кардинали во Ватикан, вклучително и оној кој поголемиот дел од времето го поминува помагајќи им на бездомниците во Рим, се позитивни на коронавирус, изјави извор од седиштето на Католичката црква.

Кардиналот Конрад Крајевски (57), Полјак кој ги предводи хуманитарните акции на папата Франциско, е хоспитализиран поради пневмонија.

Кардиналот Џузепе Бертело (78), гувернер на Ватикан, е во самоизолација во неговиот дом во Ватикан по позитивниот тест, изјави изворот.

Засега е непознато дали двајцата вчера присуствувале на настан со членови на централната администрација на Ватикан, каде што биле разменети божикни честитки со папата.

Сè уште нема официјална потврда за позитивните тестови на кардиналите.