пред 4 години Турскиот претседател Реџеп Таип Ердоган изјави дека телефонски разговарал со неговиот руски колега Владимир Путин за прашањето за увоз на руски вакцини против коронавирусот.
„Вакцините се развиваат во Русија, Кина, во нашата земја. Зборуваме за увоз на вакцини со странски колеги, а разговарав и со Путин. Внимателно ги следиме резултатите од употреба на вакцините и се надевам дека наскоро ќе можеме да ги користиме во големи количини во нашата земја“, изјавил Ердоган, а пренесува „Спутник“.
Телефонскиот разговор меѓу лидерите на Турција и Русија се случил на 24 неомври, а како што претходно објавија од прес-службата на Кремљ, Путин и Ердоган се заложиле за понатамошна соработка во борбата против Ковид-19, со приоритет во координацијата во развојот и производството на вакцини.
Претходно, прес-службата на Министерството за здравство на Русија објави дека Турција е заинтересирана да започне производство на вакцина против Ковид-19 „Спутник V“, во турските фабрики за производство на лекови.
Би можело да ве интересира
Сијарто: Европа треба да ја зголеми безбедноста на своите граници
„Јутјуб“ ги блокира каналите на руските државни медиуми во целиот свет
Тужба на првата дама на Франција за клевета на Интернет
„Политико“: Има пет работи поради кои Бајден ја сака Европа, една од нив е Балканот
Данска привремено ја прекинува вакцинацијата со „АстраЗенека“
Тројца сириски војници се убиени во израелски воздушен напад
