Зеленски: Нападот на Украина е првиот чекор на руското освојување

Украинскиот претседател Володимир Зеленски денеска ја повика Европската унија да ги заостри санкциите кон Русија и тврди дека руските сили би можеле да нападнат други земји по инвазијата на неговата земја.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

Зборувајќи пред двата дома на чешкиот парламент преку видео врска, Зеленски тврди дека територијалните амбиции на Русија се протегаат од Варшава до Софија, според Ројтерс.

– Русија не е заинтересирана само за нашите градови Мариупол, Северодонецк, Харков и Киев. Не, нејзините амбиции се фокусирани на огромна област, од Варшава до Софија – изјави украинскиот претседател, без да наведе докази за своето тврдење, пренесува Ројтерс.

Зеленски ја повика Украина да го отвори патот за членство во ЕУ.

– Давање кандидатски статус на Украина во овој момент значи докажување дека европското обединување е реално и дека европските вредности навистина функционираат и дека тие не се само прецизирани во одредени документи – рече Зеленски, пренесува Ројтерс.

Според него, чешкиот народ, по нацистичката германска окупација за време на Втората светска војна и деценијата на советската доминација по војната, знае како завршува компромисот и што следува по отстапките за тиранијата.

– Човек кој сака да зграпчи се, никогаш нема да се задоволи само со дел од она што го сака – рекол Зеленски, пренесува британската агенција.