Израелците: Го освоивме клучното упориште на Хамас по долга битка

Израелските одбранбени сили соопштија дека обезбедиле клучно упориште на Хамас по 10-часовна битка. Беше објавено дека војниците на бригадата Нахал, една од главните пешадиски единици на ИДФ, обезбедиле „упориште“ во Џабалија во северниот дел на Газа.

ИДФ соопшти дека учествувала во борбите „над и под земја“, што укажува на тоа дека Хамас можеби користел дел од својата огромна мрежа на тунели за време на битката.

„Борците го завршија преземањето по 10 часа борби, при што елиминираа терористи, запленија многу оружје, открија шахти од терористички тунели, вклучително и шахта лоцирана во близина на градинка и која води до обемна подземна рута“, се вели во соопштението.

Тие велат дека пронашле „значајни оперативни материјали“ поврзани со идните планови на Хамас, но не наведоа детали. Хамас допрва треба да признае дека битката се случила. ИДФ, исто така, сподели голем број слики, но директно не соопшти дека се направени за време на оваа битка, а локацијата не е потврдена.

Текстот Израелците: Го освоивме клучното упориште на Хамас по долга битка е превземен од МАКФАКС.