Израел и Хамас близу до договор за прекин на огнот во Газа

Во текот на вечерта започнаа да стигнуваат неофицијални вести дека утре ќе се случи примирје.

Во тек е состанок на израелскиот безбедносен кабинет, при што најверојатно едностран договор за прекин на огнот ќе биде одобрен од кабинетот, јавуваат израелските медиуми. Либанскиот весник „Ал Акбар“ објави, повикувајќи се на извори на Хамас, дека палестинската организација се согласила на прекин на огнот со Израел, што треба да започне утре наутро.

Како што е наведено, примирјето нема да биде еднострано, како што предложи премиерот на Израел, Бенјамин Нетанјаху, но ќе ги обврзе двете страни, и Израел и Хамас, објавија израелските медиуми.

Хамас го информираше либанскиот проирански Хезболах за својата одлука, а претходно „Ал Џазира“ и Би-Би-Си објавија дека Израел им рекол на египетските власти да го поддржат прекинот на огнот во Газа.

Ваквите извештаи не се потврдени од ниту една страна.