Лекар во Англија силувал 99-годишна старица во дом за стари лица, добил доживотен затвор

Здравствен работник во Англија е осуден на доживотен затвор откако бил фатен како силува 99-годишна штитеничка во оддел од старечкиот дом каде што работел.

Нејзиното семејство сето тоа беспомошно го следело преку скриена камера.

Филип Кери (48) признал дека ја нападнал жртвата во дом за стари лица во Блекпул, Ланкашир. Тој бил фатен откако семејството на 99-годишната жена поставило скриена камера во нејзината соба и го снимило неговото злоставување, пишува Дејли Мејл.

Кери беше осуден на доживотен затвор со минимална казна од 10 години.

Обвинителите за време на судењето изјавија дека семејството на старицата било загрижено кога нејзиното однесување наеднаш се променило. Таа не дозволувала физички контакт и ги молела роднините да не ја оставаат во домот бидејќи „некој ќе ја повреди“.

Семејството потоа поставило скриена камера во нејзината соба за да се обиде да открие што точно се случува. На нивен ужас, го виделе Кери како влегува во собата и ја силува старицата. Веднаш повикале полиција која го уапсила. Кери се изјасни за виновен пред судот откако обвинителите презентираа форензички докази и презентираа снимки.