Нов конфликт меѓу Киргистан и Таџикистан – шестмина повредени

Најмалку шест лица се повредени денеска кога киргистанските и таџикистанските граничари размениле оган поради судирите за блокиран пат, јавија локалните медиуми.

Границата меѓу двете земји, каде што се наоѓаат руските воени бази и кои се тесно поврзани со Москва, е слабо демаркирана, објави „Ројтерс“.

Киргистанските власти соопштија дека граѓаните на Таџикистан го блокирале патот меѓу центарот на провинцијата Баткен и киргистанското село Исфан.

Граничарите од двете страни успеале да го деблокираат патот, но потоа бил разменет оган.

Киргистанските власти изјавија дека таџикистанските граничари истрелале минофрлачи, пренесе АП.

Таџикистанските власти не дадоа никакви најави за конфликтот, но руската агенција „Спутник“ на таџикистански извести дека шестмина Таџикистанци се ранети.

Границата меѓу Таџикистан и Киргистан е често место на конфликти, а во 2021 година 55 луѓе загинаа во судирите што избувнаа во близина на границата во спор за правата на водата и поставувањето камери за надзор.