пред 4 години На новогодишната ноќ сите ресторани во Москва ќе бидат затворени, изјави шефот на Одделот за трговија и услуги на рускиот главен град, Алексеј Немерјук.
„Новата година ќе дојде, нема да исчезне никаде, ќе се појави на 31 декември, но за жал, очигледно, во нешто поскромен формат. Повеќето ресторани нема да работат ноќе, поточно, не повеќето, туку сите”, прецизира Немерјук за „Русија 24″.
Според него, исто така, не е планирана културна програма во рестораните.
„Во суштина, ќе може да се дочека Новата година на 31 декември и 1 јануари и другите денови во сите ресторани во Москва, но со исклучок на ноќното време“, додаде Немерјук.
Според него, не станува збор за целосно затворање на рестораните во руската престолнина.
Претходно, градоначалникот на Москва, Сергеј Собјанин, воведе дополнителни мерки поради пандемијата на коронавирус. Меѓу другото, од 23.00 до 6.00 часот не работат ресторани, кафулиња, барови. Ова нема да важи за испорака.
Би можело да ве интересира
Пентагон призна дека САД испраќале оружје во Украина долго пред војната
Зеленски: Украина нема намера да го предаде Донбас, ќе се бориме
Зеленски: Нема причина за страв, границите на земјата се сигурни
По 50 работници дневно ја напуштаат Босна и Херцеговина и се селат во Словенија
Канада ја испрати војската и Црвениот крст да помогнат во Онтарио
Индија почна со бесплатна испорака на вакцини во соседните земји
