Пронајдено телото на двегодишното девојче што исчезна во Германија

Нуркачи утринава го пронајдоа телото на двегодишната Мелиса од Бинген-Хицкофен, во областа Зигмаринген.. Мелиса исчезнала околу 17 часот во неделата од семејната куќа.

Утрово, десет нуркачи од полицијата се вратија во реката Лаушет. Силите го пребарале делот од реката од пет километри до вливот во Дунав кај Зигмарингендорф, пишува „Феникс магазин“. Сè укажува дека Мелиса паднала во реката облечена во пижами на неколку метри од куќата на родителите, пренесуваат германските медиуми.

Како што претходно објави списанието „Феникс“, од неделата попладне немало трага од девојчето Мелиса (2) во германскиот град Бинген (област Зигмаринген во Баден-Виртемберг). Во момент на невнимание малото девојче наводно излегло од родителската куќа облечено само во пижами. Полицијата веднаш почнала да трага по девојчето.

Полицајците најпрвин ја пребарале областа покрај реката барајќи траги што би ги довеле до исчезнатото девојче. Родителите повикале полиција во неделата вечерта околу 18.30 часот. Тие рекоа дека нивната мала ќерка ја нема. Исчезнувањето на детето родителите го забележале околу 17 часот. По повикот на родителите, полицијата почна масовна потрага.

Текстот Пронајдено телото на двегодишното девојче што исчезна во Германија е превземен од МАКФАКС.