пред 3 години Средбата на рускиот претседател Владимир Путин со неговиот турски колега Реџеп Таип Ердога, што ќе се одржи подоцна денеска во Москва, значи дека Путин ја прекинува двонеделната самоизолација во која влезе поради контакт со неколку лица заразени со коронавирусот, изјави портпаролот на Кремљ, Дмитриј Песков.
„Денешната средба со Ердоган може да се смета за излез на Путин од самоизолација“, рече Песков, одговарајќи на прашање на новинарите на брифингот во Москва, а пренесува ТАСС.
Путин започна со самоизолација пред две недели, поради контакт со неколку луѓе од неговата околина кои биле позитивни на Ковид-19.
Како што претходно објави Песков, Путин денеска ќе се сретне со Ердоган, но на повеќето други разговори или самити ќе учествува преку видео врска.
Тој прецизира средбите на Путин ќе бидат онлајн од превентивни причини, поради пандемијата.
Би можело да ве интересира
Француската амбасадорка во Бугарија: Предлогот е ист со првичниот што беше изгласан во бугарскиот парламент
Европската комисија го одобри планот за Бугарија вреден шест милијарди евра
ЦИА: Русија не стои зад „синдромот Хавана“ – истрагата за мистериозната болест продолжува
Јужноафриканскиот претседател лут на Европа: Новиот сој не настана кај нас
Хиџабот може да се забрани на работното место, соопшти Европскиот суд на правдата
Полицијата во Капитол бара гардистите да останат во Вашингтон уште 60 дена
