Путин му честиташе на Макрон за победата

Рускиот претседател Владимир Путин упати честитка до Емануел Макрон по повод неговата победа во вториот круг од претседателските избори, кои вчера се одржаа во Франција.

– Искрено ви посакувам успех во државните активности, како и добро здравје и благосостојба – се наведува во телеграмата со честитки.

Да потсетиме, Макрон ја победи Марин Ле Пен во вториот круг од претседателските избори во Франција и освои втор мандат.