пред 3 години Рускиот претседател Владимир Путин ќе учествува на климатскиот самитот организиран од САД. Кремљ исто така соопшти дека Русија не е двигател на тензиите во односите со Западот, туку само реагира на непријателски потези.
Американскиот претседател Џо Бајден покани 40 светски лидери на самитот што ќе се одржи в четврток и петок.
Портпаролот на Кремљ, Дмитриј Песков, претходно изјави дека билатералните контакти меѓу рускиот претседател Владимир Путин и неговиот американски колега Џо Бајден и другите шефови на држави не се планирани во рамките на претстојниот самит.
Во понеделникот, Кремљ објави дека Путин ја прифатил поканата, дека ќе зборува на видеоконференција на состанокот на 22 април и ќе ги претстави руските пристапи кон ова прашање. Претходно германската канцеларка Ангела Меркел, францускиот претседател Емануел Макрон и кинескиот претседател Кси Џинпинг разговараа за подготовките за самитот.
Климатскиот самит предводен од САД е дел од иницијативата на администрацијата на Бајден за демонстрација на посветеноста на САД во борбата против климатските промени откако поранешниот американски претседател Доналд Трамп се повлече од Парискиот договор.
Би можело да ве интересира
Новиот претседател на Јужна Кореја: Вратата за дијалог со Северна Кореја е отворена
Руските војници го опколија градот – Мариупол во урнатини
Вучиќ: Целосна поддршка за територијалниот интегритет на Украина, oва не е време за санкции кон Русија
Русија собира војска – се одржуваат вежби од Атлантикот до Пацификот
Зеленски: Време е за договор за завршување на војната
Кина водечка земја во светот според бројот на вакцинации
