Русија: Соборивме украински авион кој носел оружје од западните земји

Портпаролот на руското Министерство за одбрана, генерал-мајор Игор Конашенков, соопшти дека руската војска соборила украински воен транспортен авион кој носел воена опрема од западните земји.

Во соопштението се наведува дека „украински воен транспортен авион е соборен во воздух“ во регионот на Одеса додека „испорачувал голема серија оружје испорачано на Украина од западните земји“.

Оваа информација не е потврдена од други извори.

Претходно Белата куќа потврди за Си-Ен-Ен дека првиот дел од новата пратка оружје успешно пристигнал во Украина денеска.