Уништивме база на странски платеници во Украина, тврдат Русите

Руски ракети со високопрецизни ракети уништија база на странски платеници во регионот Харков, изјави денеска портпаролот на руското Министерство за одбрана, Игор Конашенков.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

„Ракети со висока прецизност лансирани од воздух уништија база на странски платеници во близина на населбата Авдејевка во регионот Харков“, рече Конашенков, а пренесува ТАСС.

Според него, меѓу другите погодени украински цели се девет области каде биле распоредени украински војници и воена опрема и пет позиции за стрелање на единиците опремени со повеќецевни ракетни фрлачи во регионот на Луганск.

„Покрај тоа, уништен е и ракетен систем Бук-М1 во близина на населбата Минковка во Донечката Народна Република“, додаде портпаролот на руското Министерство за одбрана.

Конашенков, исто така, објави дека руските ракетни и артилериски сили уништиле два повеќецевни ракетни фрлача „Град“ и девет парчиња оружја на терен, како и складиште за гориво, заедно со елиминацијата на, како што рече, над 300 националисти.