Црна Гора го замрзна имотот на 34 руски државјани

Министерството за внатрешни работи на Црна Гора соопшти дека денеска се замрзнати 44 имоти на 34 руски државјани за кои претходно биле воведени санкции.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

МВР во соопштението наведува дека денеска го направиле првиот чекор на линијата на стопроцентно усогласување на Црна Гора со надворешната и безбедносната политика на Европската Унија.

Како што се објаснува во соопштението, за 44 недвижности Управата за катастар и државен имот донела соодветни решенија со кои на лицата им се ограничува располагањето со имотот во Црна Гора.

„Црна Гора решително ги исполнува обврските преземени со усвојувањето на Одлуката за воведување меѓународни рестриктивни мерки“, порачаа од црногорското МВР.