пред 4 години Централниот изборен комитет соопшти дека 2,6 милиони Палестинци се пријавиле да учествуваат на првите претседателски и парламентарни избори во последните 15 години, пренесува „Мидл ист монитор“.
Комитетот на својата веб-страница соопшти дека ова претставува 93,3 отсто од Палестинците со право на глас на изборите.
„Оваа бројка ја одразува желбата на Палестинците да учествуваат на изборите“, велат од комитетот, истакнувајќи дека регистрацијата е извршена без проблеми.
Сепак, Палестинците од градот Хеброн на Западниот Брег вчера објавија дека биле шокирани кога откриле дека центрите за гласање се оддалечени од нивните населби. Изборниот комитет соопшти дека ќе ги испита причините за оваа промена.
Во меѓувреме, портпаролот на Хамас, Хазем Касем, ги обвини безбедносните служби на Палестинската самоуправа за овие измени и рече дека мешањето во изборите е кршење на договорот од Каиро.
Во мај, јули и август, Палестинците последователно ќе ги избираат своите пратеници, претседател и членови на Палестинскиот национален совет.
Би можело да ве интересира
Зелена мамба побегна во Холандија. „Тaa e исклучително отровна, останете дома“
Германска новинарка се извалкала со кал за да прикаже дека помагала во чистењето по поплавите
Меркел призна за грешките: Германците сакаат сè да биде под конец, затоа добивме многу критики
„Џонсон и Џонсон“ ја претставуваат својата вакцина следната недела, за имунизација потребна само една доза
Ден на жалост во Хрватска
Во Словенија 363 новозаболени и четворица починати од Ковид-19
