пред 3 години Заменик-претседателот на Советот за безбедност на Руската Федерација, Дмитриј Медведев денеска се прости од Мекдоналдс, велејќи дека во Русија знаат да прават плескавици и кифлички.
Тој додаде дека истото би можеле да го направат и бизнисмените кои се санкционирани од западните земји, пренесува РИА Новости.
– Плескавиците и кифличките со одличен квалитет можеме сами да ги правиме. Патем, тоа би можеле да го направат бизнисмени кои се под санкции.
Извршниот директор на Мекдоналдс Крис Кемпчински на 8 март објави дека сите ресторани на таа компанија во Русија се привремено затворени.
Мекдоналдс е една од низата светски компании кои престанаа да работат во Русија по почетокот на воената операција во Украина.