Аеродромот во Кабул подготвен за работа

Аеродромот во Кабул е речиси целосно подготвен за работа, но неговото отворање се планира постепено, изјави еден катарски функционер.

Тим од катарски експерти е задолжен за подготовка на аеродромот во Кабул.

Според „Ројтерс“, службеникот додал дека аеродромот е 90 проценти подготвен. Друг неименуван функционер им рекол на новинарите дека утре ќе се организира еден лет, како и дека денешниот лет од Кабул е редовен лет и дека не се работи за евакуација.