(Видео) Еден од најбогатите Романци загина во авионска несреќа во Милано

Осум лица загинаа во авионска несреќа во близина на Милано, а еден од најбогатите луѓе во Романија беше меѓу жртвите, известуваат медиумите во светот.
Во несреќата загинаа осум лица, меѓу кои и едно момче. Сите тие беа странци, потврдија властите.

Италијанските медиуми набргу по падот објавија дека авионот ја променил маршрутата, и дека бил во воздух само 11 минути пред да се сруши.

Медиумите објавија дека една од жртвите е Дан Петреску (68), голем инвеститор и градител на недвижности, кој важи за еден од најбогатите луѓе во Романија.

raga sto tremando, non avete idea, stavo aspettando il pullman a san donato (milano) per tornare a roma e si è tipo schiantato un aereo (?) davanti a noi, un botto assurdo, che paura pic.twitter.com/UgHzg4JeNY

— edoardo ??‍♀️???✨?️‍? (@edoardotwitta) October 3, 2021

Петреску имал романско и германско државјанство и наводно летал со авион во моментот на несреќата, додаваат медиумите.

Меѓу жртвите се неговата сопруга (65) и синот Дан Стефан Петреску (30), кои исто така имаат двојно државјанство, пренесуваат агенциите во светот.

Италијанците, повикувајќи се на романските медиуми, објавија дека синот на Петреску работел како истражувач во Канада и дека пристигнал во Италија за да присуствува на крштевањето на детето на неговите пријатели.