„Данка не е убиенa од удар со автомобилот, еден од нив ја задавил“, рече шефот на криминалистичката полиција во Србија

Шефот на Управата за криминалистичка полиција во Србија Нинослав Чмолиќ во гостувањето на телевизијата Информер изнесе нови детали за случајот. Тој раскажа како осомничените мислеле дека Данка е мртва откако ја удриле со автомобил, па ја ставиле во багажникот, но девојчето во еден момент се разбудило.

„Според нивните изјави, тие застанале да уринираат во близина на куќата. Подоцна, кога продолжиле, ја удриле Данка, а потоа ја ставиле во багажникот. Чудното движење на нивното возило било снимено на ГПС. Нивните приказни не се поклопуваат за давење на детето затоа што детето се разбудило додека возеле и ја задавиле. Не можат да се договорат кој го направил давењето, а подоцна ја фрлиле во депонија“, рече тој.

„Ден и ноќ се собираат докази. Еден од убијците има блокада и не се сеќава каде го оставил телото. Факт е дека нивните приказни се совпаѓаат со деталите од ударот, но не се договориле за вистинското убиство на детето. Данка била во несвест по ударот од автомобилот и мислеле дека е мртва, па се изненадиле што се разбудила“, додал тој.

Текстот „Данка не е убиенa од удар со автомобилот, еден од нив ја задавил“, рече шефот на криминалистичката полиција во Србија е превземен од МАКФАКС.