Лукашенко: Белорусија ќе биде со Русија во секоја ситуација

Белорусија ќе биде со Русија во секоја ситуација, изјави денеска претседателот Александар Лукашенко за време на разговорите со неговиот руски колега Владимир Путин во космодромот Восточни во регионот Амур.

„ Можете да сметате на Белорусија. Знајте дека без разлика каква е ситуацијата, вие можете да сметате на нас, а Русите можат да сметаат на нас, ние секогаш ќе бидеме таму, без разлика како ќе се развива ситуацијата“, рече Лукашенко, пренесува ТАС.

„ Далечниот исток е далеку, но наш е. За разлика од сегашните републики, ние го зачувавме ова единство и решени сме да го зајакнеме“, додаде белорускиот претседател.