пред 3 години Францускиот претседател, Емануел Макрон, го издвои Западен Балкан како еден од приоритетите на претстојното француско претседателство со Советот на ЕУ.
На прес-конференција во Париз, Макрон рече дека јасната европска перспектива на Западен Балкан, инвестирањето во единството на регионот и заедничките амбиции на ЕУ и регионот се она на што треба да се работи во наредниот период.
„Западен Балкан е повеќе од соседство. Балканот е срцето на Европа“, рече Макрон.
Презентирајќи ги приоритетите на француското претседателство со ЕУ, Емануел Макрон изјави дека Западен Балкан денеска повторно е исполнет со тензии и посочи дека ЕУ има посебна одговорност.
„Мораме да водиме политика на повторно ангажирање и инвестирање за економска интеграција на овој регион. Мора да се бориме против манипулацијата на неколку регионални сили кои сакаат да ја дестабилизираат Европа преку Балканот. Политичката и економската работа на Западен Балкан е работа на европскиот суверенитет“, рече Макрон.
Францускиот претседател предупреди дека и за 50 години нема да може да се зборува за „Европа на мирот“ доколку Западен Балкан се остави во ситуацијата во која се наоѓа сега.
Би можело да ве интересира
Борел: Никој не може да биде неутрален пред руската агресија
Позната листата со барања на Турција, ниедно не е поврзано со Русија
Реакција од Балтикот на руската закана од нуклеарно оружје: Тоа е глупост
По скандалот со забавите, Џонсон денеска ќе се обрати во парламентот
Светската медицинска асоцијација: Можеби вакцината против Ковид ќе треба да се дава секоја година
Во Словенија голем пораст на бројот на заболени и хоспитализирани – секој петти тест е позитивен
